غلافِ کعبہ کی تبدیلی کی تیاریاں، نیا کسوہ یکم محرم کو نصب کیا جائے گا

مکہ مکرمہ( مانیٹرنگ ڈیسک)خانہ کعبہ کے غلاف کی تبدیلی ہر سال کی طرح اس بار بھی ہجری سال کے آغاز پر یکم محرم الحرام کو کی جائے گی۔خانہ کعبہ کے نئے غلاف کی حوالگی کی ایک خصوصی تقریب منعقد ہوئی، جس میں نیا غلاف رسمی طور پر کلید بردارِ کعبہ کے سپرد کیا گیا۔غلافِ کعبہ جسے کسوہ بھی کہا جاتا ہے، ہر سال ایک باقاعدہ روحانی اور منظم تقریب کے ذریعے تبدیل کیا جاتا ہے، جو اسلامی دنیا میں خصوصی اہمیت رکھتی ہے۔اس موقع پر تیار کیے گئے نئے غلاف کی تیاری میں بڑی مقدار میں ریشم، چاندی اور سنہری دھاگوں کا استعمال کیا گیا ہے، جسے انتہائی مہارت اور محنت سے تیار کیا جاتا ہے۔نئے غلاف کی تنصیب کے لیے یکم محرم کو خصوصی انتظامات کیے جائیں گے، جس کے دوران خانہ کعبہ کو نیا غلاف پہنایا جائے گا۔یہ روح پرور تقریب دنیا بھر کے مسلمانوں کے لیے عقیدت اور روحانی وابستگی کا ایک اہم مظہر سمجھی جاتی ہے۔