اسلام آباد( کامرس ڈیسک) فنانس بل میں فیڈرل بورڈ آف ریونیو (ایف بی آر) کی جانب سے ٹیکس اپیلوں کی جانچ کے لیے ایک آزاد کیس اسکروٹنی کمیٹی قائم کرنے کی تجویز دی گئی ہے۔تجویز کے مطابق ہائی کورٹ اور سپریم کورٹ میں کسی بھی ٹیکس اپیل کے دائر ہونے سے قبل اس کمیٹی کی منظوری حاصل کرنا لازمی ہوگا، جبکہ کمیٹی کی منظوری کے بغیر ایف بی آر کو اپیل دائر کرنے کی اجازت نہیں ہوگی۔فنانس بل میں ٹیکس تنازعات کے عدالتی جائزے کے لیے ایک نیا نگرانی نظام متعارف کرانے کی بھی تجویز شامل ہے۔مجوزہ کمیٹی انکم ٹیکس، سیلز ٹیکس سمیت تمام ٹیکس مقدمات کی ابتدائی جانچ اور اسکروٹنی کی ذمہ دار ہوگی، جس کا مقصد مقدمات کی جانچ پڑتال کے عمل کو مزید منظم اور مؤثر بنانا بتایا گیا ہے۔
