لاہور( سپورٹس ڈیسک) پاکستان سپر لیگ (پی ایس ایل) کے گیارہویں ایڈیشن کا مجوزہ شیڈول سامنے آ گیا ہے، جس کا باقاعدہ اعلان اگلے ہفتے متوقع ہے۔تفصیلات کے مطابق افتتاحی میچ 26 مارچ کو لاہور قلندرز اور حیدرآباد کنگز مین کے درمیان قذافی اسٹیڈیم لاہور میں کھیلا جائے گا۔ قذافی اسٹیڈیم لاہور 3 مئی کو فائنل سمیت دو پلے آف میچز کی میزبانی بھی کرے گا۔ذرائع کے مطابق راولپنڈی کو پہلے کوالیفائر میچ کی میزبانی دی گئی ہے۔ تمام آٹھ ٹیمیں پہلے مرحلے میں سات سات میچز کھیلیں گی جبکہ دوسرے مرحلے میں دو گروپوں میں تین تین میچز ہوں گے۔لاہور قلندرز، کوئٹہ گلیڈی ایٹرز، کراچی کنگز اور حیدرآباد کنگزمین ایک گروپ میں ہوں گے، جبکہ اسلام آباد یونائیٹڈ، پشاور زلمی، پنڈی ز اور ملتان سلطانز دوسرے گروپ میں شامل ہیں۔پہلا کوالیفائر 28 اپریل کو راولپنڈی میں، پہلا ایلیمینیٹر 29 اپریل کو لاہور میں اور تیسرا ایلیمینیٹر یکم مئی کو لاہور میں کھیلا جائے گا۔
