لاہور( سپورٹس ڈیسک)پاکستان سپر لیگ (پی ایس ایل) کی فرنچائز کراچی کنگز کے فاسٹ بولر حسن علی پر قواعد و ضوابط کی خلاف ورزی پر جرمانہ عائد کر دیا گیا ہے۔ذرائع کے مطابق یہ واقعہ کراچی کنگز اور لاہور قلندرز کے درمیان سنسنی خیز میچ کے دوران پیش آیا، جب حسن علی نے لاہور قلندرز کے بلے باز حسیب اللہ کے آؤٹ ہونے پر جملے کسے۔ اس پر انہیں میچ فیس کا دس فیصد جرمانہ کیا گیا ہے۔حسن علی نے میچ ریفری کے سامنے اپنی غلطی تسلیم کرلی ہے اور جرمانے کی ادائیگی کا عندیہ دیا ہے۔
