پی ایس ایل میں ریسٹ ڈے، راولپنڈیز کھلاڑیوں کی ساحل پر پکنک، خوب انجوائے کیا

کراچی( سپورٹس ڈیسک)پاکستان سپر لیگ کے گیارہویں ایڈیشن میں ریسٹ ڈے کے موقع پر راولپنڈیز کے کھلاڑی تفریح کے لیے کراچی کے ساحل پہنچ گئے، جہاں انہوں نے خوشگوار ماحول میں وقت گزارا۔کھلاڑیوں نے ساحل سینڈزپٹ پر پکنک منائی اور تقریباً تین گھنٹے تک مختلف سرگرمیوں میں حصہ لیتے رہے، جس سے ٹیم کے ماحول میں مزید بہتری آئی۔اس دوران پلیئرز نے آپس میں والی بال کھیلی، تیز رفتار کشتی کی سیر کی اور ساحل کے حسین مناظر سے لطف اندوز ہوئے۔تفریحی لمحات میں غیر ملکی کرکٹر کول میک کونکی نے موسیقی کا رنگ بھی جما دیا اور ڈی جے کے ساتھ دھنیں بکھیر کر ساتھی کھلاڑیوں کو خوب محظوظ کیا۔ٹیم کے کھلاڑیوں نے اس موقع کو بھرپور انداز میں انجوائے کیا اور آئندہ میچز کے لیے خود کو تازہ دم کیا۔