پاکستان اسٹاک مارکیٹ میں زبردست تیزی، انڈیکس 1 لاکھ 71 ہزار کی سطح پر پہنچ گیا

کراچی( کامرس ڈیسک)پاکستان اسٹاک مارکیٹ میں کاروباری ہفتے کے چوتھے روز مثبت رجحان دیکھا گیا، جس کے باعث ہنڈرڈ انڈیکس ایک لاکھ 71 ہزار پوائنٹس کی سطح پر بحال ہو گیا۔کاروبار کے آغاز پر ہی مارکیٹ میں تیزی ریکارڈ کی گئی اور 1000 سے زائد پوائنٹس کے اضافے کے ساتھ انڈیکس ایک لاکھ 71 ہزار 271 پوائنٹس تک پہنچ گیا۔گزشتہ کاروباری روز کے اختتام پر مارکیٹ مندی کا شکار رہی تھی، جب ہنڈرڈ انڈیکس 831 پوائنٹس کی کمی کے بعد ایک لاکھ 70 ہزار 190 پوائنٹس پر بند ہوا تھا۔ماہرین کے مطابق حالیہ تیزی سرمایہ کاروں کے اعتماد میں بہتری اور مارکیٹ میں خریداری کے رجحان کا نتیجہ ہے۔