اسلام آباد(پاکستان خبر)اسلام آباد اور پنجاب کے مختلف اضلاع میں رینجرز کی تعیناتی کی منظوری دے دی گئی۔وزارت داخلہ نے چیف کمشنر اسلام آباد اور حکومت پنجاب کی درخواست پر رینجرز کی تعیناتی اور انہیں قانونی اختیارات کے تحت مکمل معاونت فراہم کرنے کی اجازت دی ہے۔جاری نوٹیفکیشن کے مطابق پرتشدد اور مسلح جتھوں کے حملوں کی صورت میں رینجرز اور پولیس مناسب اور ضروری جوابی کارروائی کریں گے، جبکہ کسی بھی پرتشدد سرگرمی یا ممکنہ خطرے سے نمٹنے کے لیے تمام ضروری اقدامات کیے جائیں گے۔نوٹیفکیشن میں کہا گیا ہے کہ رینجرز اہلکار امن و امان برقرار رکھنے اور سکیورٹی کے لیے مطلوبہ تمام ذمہ داریاں انجام دیں گے۔
