اسلام آباد ( پاکستان خبر) الیکشن کمیشن آف پاکستان کے مطابق ملک میں رجسٹرڈ سیاسی جماعتوں کی مجموعی تعداد 167 تک پہنچ گئی ہے۔الیکشن کمیشن نے چار سیاسی جماعتوں کے انٹرا پارٹی انتخابات کو تسلیم کرتے ہوئے ان کے باضابطہ نوٹیفکیشن بھی جاری کر دیے ہیں۔نوٹیفکیشن کے مطابق جن جماعتوں کے انٹرا پارٹی انتخابات تسلیم کیے گئے ان میں عام آدمی تحریک پاکستان، پاکستانی عوامی انقلابی لیگ، اللہ اکبر تحریک اور کسان اتحاد عوامی پارٹی شامل ہیں۔دوسری جانب الیکشن کمیشن کے ریکارڈ کے مطابق پاکستان تحریک انصاف، تحریک لبیک پاکستان اور پاکستان ریفارم پارٹی تاحال باضابطہ تنظیمی ڈھانچے اور سربراہ کے بغیر فہرست میں شامل ہیں۔
