اسلام آباد( کامرس ڈیسک)عالمی منڈی میں سونے کے نرخ بڑھنے سے پاکستان کے سرکاری سونے کے ذخائر کی قدر میں 392 ارب روپے کا نمایاں اضافہ ہوگیا۔مالی سال 2026 کے اختتام پر اسٹیٹ بینک کے پاس موجود سونے کے ذخائر کی مالیت 2,334 ارب روپے ریکارڈ کی گئی، جو گزشتہ مالی سال کے اختتام پر 1,942 ارب روپے تھی۔مالی سال 2025-26 کے دوران ملکی سرکاری سونے کے ذخائر میں 70 کلوگرام اضافہ ہوا، جس کے بعد 30 جون 2026 تک مجموعی ذخائر 64.82 ٹن ہوگئے۔اس تاریخ کو سونے کے سرکاری ذخائر کی مالیت 8.39 ارب ڈالر ریکارڈ ہوئی۔ عالمی سطح پر مالی سال 2026 کے دوران سونے کی قیمت میں 22.5 فیصد اضافے نے بھی پاکستان کے ذخائر کی روپے میں قدر بڑھانے میں اہم کردار ادا کیا۔
