افغانستان میں دہشت گرد تنظیموں کے بڑھتے اثرات، خطے کی سکیورٹی صورتحال پر تشویش

کابل(پاکستان خبر)کابل میں ایک امریکی جریدے کی رپورٹ کے مطابق افغانستان میں دہشت گرد تنظیموں کے اثر و رسوخ میں اضافے کے باعث خطے کی سکیورٹی صورتحال تشویشناک ہو گئی ہے۔رپورٹ میں کہا گیا ہے کہ افغانستان ایک بار پھر دہشت گردی کے لیے محفوظ پناہ گاہ بنتا جا رہا ہے، جس کے نتیجے میں پاکستان پر دہشت گردی کا دباؤ مزید بڑھ گیا ہے۔امریکی جریدے کے مطابق خدشہ ہے کہ امریکا اور اس کے اتحادیوں کے خلاف کوئی بڑا دہشت گرد منصوبہ دوبارہ افغانستان کی سرزمین سے جنم لے سکتا ہے۔رپورٹ میں یہ بھی کہا گیا ہے کہ 2021 میں امریکی انخلا کے اثرات نہ صرف خطے بلکہ امریکا کے اہم شراکت دار پاکستان پر بھی مرتب ہو رہے ہیں۔مزید کہا گیا ہے کہ امریکی انتظامیہ کو دوحہ معاہدے پر دوبارہ غور کرنا چاہیے، کیونکہ طالبان مبینہ طور پر اپنے کیے گئے وعدوں پر مکمل طور پر عملدرآمد کرنے میں ناکام رہے ہیں۔