ر یا ض( سپورٹس ڈیسک)پرتگالی سپر اسٹار کرسٹیانو رونالڈو نے شاندار کارکردگی کا مظاہرہ کرتے ہوئے اپنے کلب النصر کو النجمہ کے خلاف دو کے مقابلے میں پانچ گول سے کامیابی دلانے میں اہم کردار ادا کیا۔میچ کے دوران رونالڈو نے دو گول اسکور کیے، تاہم ان کی کارکردگی سے زیادہ ایک خاص لمحہ سوشل میڈیا پر زیر بحث رہا جب انہوں نے پنالٹی لینے سے قبل بسم اللہ کہا۔انہوں نے چھپن ویں منٹ میں پنالٹی کے ذریعے گول کر کے اسکور دو تین کیا، جبکہ تہتر ویں منٹ میں ایک اور گول کر کے ٹیم کی برتری مزید مستحکم کر دی۔اس شاندار کارکردگی کے بعد رونالڈو کے کیریئر گولز کی تعداد نو سو سڑسٹھ تک پہنچ گئی ہے اور وہ ایک ہزار گولز کے تاریخی سنگ میل کے قریب پہنچ چکے ہیں۔یہ پہلا موقع نہیں جب انہوں نے اسلامی الفاظ استعمال کیے ہوں، اس سے قبل بھی ایک تقریب میں انہوں نے اپنے مستقبل کے ہدف کے حوالے سے انشاءاللہ کا لفظ استعمال کیا تھا۔سوشل میڈیا پر ان کے حوالے سے مختلف قیاس آرائیاں کی جا رہی ہیں، تاہم اس بارے میں خود رونالڈو یا ان کے قریبی ذرائع کی جانب سے کوئی تصدیق سامنے نہیں آئی ہے۔
