لاہور ( سپورٹس ڈیسک)انگلینڈ مینز ٹیم کی فیلڈنگ کوچ اور سابق ویمن کرکٹر سارہ ٹیلر نے پاکستانی وکٹ کیپرز کو وکٹ کیپنگ کے حوالے سے اہم مشورے دیے۔سارہ ٹیلر نے تیسرے ٹیسٹ میچ کے دوران پاکستانی وکٹ کیپر سعد بیگ کو وکٹ کیپنگ کے مختلف گُر سکھائے۔میچ سے قبل وارم اپ سیشن میں سعد بیگ نے سارہ ٹیلر سے رہنمائی حاصل کی، جبکہ پاکستان کے دوسرے وکٹ کیپر غازی غوری نے بھی سابق انگلش کرکٹر سے مشورے لیے۔
