سعودی عرب نے پاکستان کے لیے 3 ارب ڈالر سے زائد قرض کی مدت میں توسیع کر دی

 اسلام آباد( کامرس ڈیسک)سعودی عرب نے پاکستان کے لیے 3 ارب ڈالر سے زائد قرض کی مدت میں توسیع کر دی ہے، جس کے باعث پاکستان پر فوری بیرونی ادائیگیوں کا دباؤ کم ہوگیا ہے۔ وفاقی وزیر خزانہ نے بھی اس پیش رفت کی تصدیق کر دی ہے۔ذرائع کے مطابق سعودی عرب نے یہ رقم پاکستان کو متحدہ عرب امارات کو واجب الادا ادائیگیوں کے لیے فراہم کی تھی، جس کی ابتدائی مدت تین ماہ مقرر کی گئی تھی۔قرض کی مدت بڑھائے جانے کے بعد پاکستان کو مختصر مدت میں اہم مالی سہارا حاصل ہوگیا ہے، جبکہ بیرونی ادائیگیوں کے معاملات میں آسانی پیدا ہوگی۔اسٹیٹ بینک حکام کے مطابق 5 ارب ڈالر کے قرض رول اوور ہونے کے بعد ملک کے زرمبادلہ کے ذخائر کی صورتحال مزید بہتر ہوئی ہے اور فوری مالی دباؤ میں نمایاں کمی آئی ہے۔