ریاض ( مانیٹرنگ ڈیسک) ایک خفیہ امریکی رپورٹ میں دعویٰ کیا گیا ہے کہ سعودی عرب نے جوہری ہتھیار تیار کرنے کے امکان کو مکمل طور پر خارج نہیں کیا۔رپورٹ کے مطابق یہ جائزہ امریکی کانگریس کو فراہم کی گئی خفیہ دستاویزات میں شامل ہے۔یہ رپورٹ ایسے وقت سامنے آئی ہے جب امریکا اور سعودی عرب کے درمیان سول جوہری تعاون کا معاہدہ موجود ہے، جس کے تحت امریکی ٹیکنالوجی کے ذریعے سعودی عرب میں جوہری ری ایکٹرز کی تعمیر اور یورینیم افزودگی سے متعلق تعاون کی راہ ہموار کی گئی ہے۔امریکی محکمہ خارجہ کا کہنا ہے کہ واشنگٹن سعودی جوہری ہتھیاروں کے پروگرام کی حمایت نہیں کرتا اور نہ کرے گا، جبکہ سعودی وزیر توانائی بھی جوہری پروگرام کو پُرامن اور شہری مقاصد تک محدود قرار دے چکے ہیں۔رپورٹ کے مطابق یورینیم افزودگی اور استعمال شدہ جوہری ایندھن کی دوبارہ پروسیسنگ کی صلاحیتوں سے جوہری عدم پھیلاؤ کے ماہرین کو تشویش ہے، کیونکہ یہ ٹیکنالوجیز ہتھیار بنانے کیلئے بھی استعمال ہوسکتی ہیں۔
