سعودیہ کا قومی سلامتی کے دفاع کے لیے ہر ممکن اقدام کا حق محفوظ رکھنے کا اعلان

ریاض( مانیٹرنگ ڈیسک) سعودی عرب نے مشرقِ وسطیٰ میں بڑھتی ہوئی کشیدگی کے درمیان واضح کیا ہے کہ مملکت اپنی قومی سلامتی اور خودمختاری کے تحفظ کے لیے ہر ممکن اقدام کرنے کا حق رکھتی ہے۔سعودی ولی عہد شہزادہ محمد بن سلمان کی زیر صدارت سعودی کابینہ کا اہم ورچوئل اجلاس منعقد ہوا، جس میں خطے کی موجودہ صورتحال اور سیکیورٹی معاملات پر تفصیلی غور کیا گیا۔اجلاس کے بعد جاری اعلامیے میں کہا گیا کہ سعودی عرب اپنی سرزمین اور قومی مفادات کے تحفظ کے لیے ضروری اقدامات کرنے سے گریز نہیں کرے گا۔ کابینہ نے دفاعی فورسز کی کارکردگی کو سراہتے ہوئے بتایا کہ حالیہ حملوں کے دوران اہم تنصیبات کو نشانہ بنانے کی کوششوں کو بروقت ناکام بنایا گیا۔