سعودی عرب نے ایران جنگ میں مداخلت کے دعوے کی سختی سے تردید کر دی

واشنگٹن( مانیٹرنگ ڈیسک) سعودی سفارتخانے کے ترجمان فہد ناظر نے واشنگٹن پوسٹ کی اس خبر کی تردید کی ہے جس میں دعویٰ کیا گیا تھا کہ سعودی عرب نے امریکی صدر ڈونلڈ ٹرمپ کو ایران کے خلاف جنگ شروع کرنے پر اُکسایا۔فہد ناظر نے ایکس پر کہا کہ سعودی عرب نے ہمیشہ ایران کے ساتھ سفارتی کوششوں کے ذریعے مسائل حل کرنے کی حمایت کی ہے اور ٹرمپ انتظامیہ کے ساتھ رابطوں کے دوران ان پر کوئی دباؤ نہیں ڈالا گیا۔واشنگٹن پوسٹ کی رپورٹ میں یہ بھی دعویٰ کیا گیا تھا کہ اسرائیل اور سعودی عرب نے کئی ہفتوں تک ایران پر حملے کے لیے لابی کی تھی۔واضح رہے کہ آج سعودی عرب کی سب سے بڑی آئل ریفائنری سعودی آرامکو پر ڈرون حملہ ہوا، جس سے آگ لگ گئی اور ریفائنری بند کر دی گئی۔