اسلام آباد( کامرس ڈیسک)اسٹیٹ بینک آف پاکستان نے مانیٹری پالیسی کا اعلان کرتے ہوئے شرح سود کو 11.5 فیصد پر برقرار رکھنے کا فیصلہ کیا ہے۔مرکزی بینک کے مطابق اپریل اور مئی کے دوران مہنگائی میں اضافہ دیکھنے میں آیا، جس کے بعد مئی میں بنیادی مہنگائی بڑھ کر 8.7 فیصد تک پہنچ گئی۔اعلامیے میں کہا گیا ہے کہ اس وقت مالیاتی کھاتوں پر دباؤ اعتدال کی سطح پر ہے۔ رپورٹ کے مطابق سال 2026 میں جی ڈی پی کی شرح نمو 3.7 فیصد رہی جبکہ ملکی زرمبادلہ کے ذخائر بڑھ کر 17.2 ارب ڈالر تک پہنچ گئے ہیں۔اسٹیٹ بینک نے مزید کہا کہ مشرق وسطیٰ میں جاری تنازع نے مجموعی معاشی صورتحال کو متاثر کیا ہے۔ اپریل میں کرنٹ اکاؤنٹ 0.3 ارب ڈالر خسارے میں چلا گیا، تاہم حکومت نے اخراجات میں احتیاط کے ذریعے مالیاتی خسارے کو قابو میں رکھنے کی کوشش کی ہے۔مرکزی بینک کے مطابق نجی شعبے کے قرضوں میں تقریباً 13 فیصد اضافہ ریکارڈ کیا گیا ہے۔
