ایران جنگ کے دوران حساس فوجی معلومات افشا، امریکی حکام کی تحقیقات تیز

تہران( مانیٹرنگ ڈیسک)ایران کے ساتھ جنگ کے دوران امریکی فوج کے اسلحہ ذخائر سے متعلق حساس معلومات ذرائع ابلاغ تک پہنچنے کے معاملے کی تحقیقات جاری ہیں۔ امریکی حکام نے معلومات افشا ہونے کا سراغ لگانے کے لیے تقریباً 50 فوجی افسران اور شہری اہلکاروں کے جھوٹ پکڑنے والے ٹیسٹ کیے ہیں۔امریکی ذرائع ابلاغ کے مطابق اگست میں امریکی محکمہ دفاع کے مشترکہ فوجی عملے سے وابستہ اہلکاروں سے پوچھ گچھ کی گئی اور ان کے جھوٹ پکڑنے والے ٹیسٹ بھی لیے گئے۔تحقیقات کا بنیادی مقصد امریکی جنگی ذخائر میں کمی سے متعلق معلومات کے ذرائع کا پتا لگانا ہے۔ ان معلومات میں طویل فاصلے تک مار کرنے والے میزائلوں اور پیٹریاٹ میزائل شکن نظام کے لیے استعمال ہونے والے میزائلوں کے ذخائر میں کمی کی تفصیلات بھی شامل ہیں۔