کوئٹہ( پاکستان خبر) بلوچستان کے بیشتر اضلاع میں موسم سرد اور خشک رہنے کا امکان ہے، جبکہ شمالی علاقوں میں محکمہ موسمیات نے شدید سردی کے ساتھ جزوی ابر آلودگی کی پیش گوئی کی ہے۔صبح کے اوقات میں ڈیرہ بگٹی، کوہلو، ڈیرہ مراد جمالی، جعفر آباد، نصیر آباد، جھل مگسی اور سبی میں دھند چھائے رہنے کا امکان ہے، جس سے حدِ نگاہ متاثر ہو سکتی ہے۔محکمہ موسمیات کے مطابق کوئٹہ میں کم سے کم درجہ حرارت صفر ڈگری جبکہ قلات میں منفی 2 ڈگری ریکارڈ کیا گیا۔ زیارت میں صفر، ژوب میں 4، سبی میں 6 اور تربت میں 14 ڈگری سینٹی گریڈ ریکارڈ ہوا۔ نوکنڈی میں 9 اور چمن میں 5 ڈگری تک گر گئی۔ساحلی علاقوں میں بھی سرد موسم رہا، گوادر میں کم سے کم درجہ حرارت 13 اور جیوانی میں 14 ڈگری سینٹی گریڈ ریکارڈ کیا گیا۔بلوچستان کے شہریوں کو صبح کے وقت دھند اور سردی کے پیش نظر احتیاط کی ہدایت جاری کی گئی ہے۔
