سونے اور چاندی کی قیمتوں میں نمایاں کمی، مقامی مارکیٹ میں نرخ گر گئے

کراچی ( کامر س ڈیسک) عالمی بلین مارکیٹ میں سونے اور چاندی کی قیمتوں میں کمی کے اثرات مقامی مارکیٹ پر بھی مرتب ہوئے ہیں، جس کے باعث قیمتی دھاتوں کے نرخ کم ہو گئے۔بین الاقوامی مارکیٹ میں فی اونس سونا 52 ڈالر کی کمی کے بعد 3 ہزار 972 ڈالر کی سطح پر آگیا۔عالمی قیمتوں میں کمی کے نتیجے میں پاکستان میں فی تولہ سونے کی قیمت 5 ہزار 200 روپے کم ہو کر 4 لاکھ 19 ہزار 636 روپے ہو گئی، جبکہ فی 10 گرام سونا 4 ہزار 458 روپے کی کمی کے بعد 3 لاکھ 59 ہزار 770 روپے پر آگیا۔اسی طرح چاندی کی قیمتوں میں بھی کمی دیکھی گئی۔ فی تولہ چاندی 107 روپے کمی کے بعد 6 ہزار 242 روپے جبکہ فی 10 گرام چاندی 92 روپے کمی کے بعد 5 ہزار 351 روپے کی سطح پر آگئی۔