برٹش کولمبیا( مانیٹرنگ ڈیسک)برٹش کولمبیا کے ایک دور دراز قصبے میں ہونے والی فائرنگ کی واردات نے علاقے میں خوف و ہراس پیدا کر دیا ہے۔ پولیس کے مطابق اس خونریز واقعے میں کم از کم 10 افراد ہلاک ہوئے، جن میں ایک مشتبہ حملہ آور بھی شامل ہے۔پولیس نے بتایا کہ واقعہ ایک اسکول اور ایک رہائش گاہ میں پیش آیا۔ اسکول کے اندر چھ افراد ہلاک ہوئے، جبکہ ایک شخص ہسپتال جاتے ہوئے دم توڑ گیا اور دو مزید افراد رہائش گاہ سے برآمد ہوئے۔ مشتبہ حملہ آور بھی اسکول میں خود ساختہ زخموں کے باعث ہلاک پایا گیا۔اس واقعے میں 25 سے زائد افراد زخمی ہوئے، جن میں سے دو کی حالت تشویشناک ہے اور انہیں ایئر ایمبولینس کے ذریعے اسپتال منتقل کیا گیا۔ پولیس نے علاقے میں حفاظتی اقدامات بڑھا دیے ہیں اور تحقیقات جاری ہیں۔
