اسلام آباد( ویب ڈیسک) خصوصی سرمایہ کاری سہولت کونسل نے ملکی و غیر ملکی سرمایہ کاروں اور کاروباری افراد کی سہولت کیلئے نیا ڈیجیٹل ٹکٹنگ نظام متعارف کرا دیا۔نئے نظام کے تحت سرمایہ کار اور کاروباری افراد اپنے مسائل، درخواستیں اور تجاویز ایک ہی ڈیجیٹل پلیٹ فارم پر جمع کرا سکیں گے، جبکہ معلومات، رہنمائی اور سرکاری رابطے کیلئے بھی آن لائن درخواست دی جاسکے گی۔درخواست جمع کرانے کے بعد اس کی پیش رفت اور تازہ ترین صورتحال آن لائن دیکھی جاسکے گی۔ نظام کے تحت مختلف شعبوں اور علاقوں سے متعلق درخواستوں کا جواب 48 گھنٹوں میں دینے کی سہولت فراہم کی گئی ہے۔درخواست مکمل ہونے پر ٹکٹ باقاعدہ بند کیا جائے گا، جس سے درخواستوں کی نگرانی اور بعد ازاں رابطے کا نظام مزید مؤثر ہوگا۔
