لوئردیر ( پاکستان خبر) لوئر دیر کے علاقے برچڑئی تالاش میں پولیس اور خوارج کے درمیان جھڑپ کے دوران 6 دہشت گرد ہلاک ہو گئے۔پولیس کے مطابق برچڑی پہاڑی میں دہشت گردوں کے خلاف ڈسٹرکٹ پولیس، ایلیٹ فورس اور کاؤنٹر ٹیررازم ڈیپارٹمنٹ نے مشترکہ کارروائی کی۔حکام کا کہنا ہے کہ ہلاک دہشت گرد پولیس چیک پوسٹ پر حملے اور ایک پولیس اہلکار کے قتل سمیت متعدد وارداتوں میں ملوث تھے۔ ہلاک ہونے والوں میں خلیل الرحمان، نعیم الدین اور کفایت اللہ شامل ہیں۔
