پشاور( پاکستان خبر)چترال کے بالائی علاقوں اور لوئر چترال کے مختلف مقامات پر برفباری شروع ہو گئی ہے، جس کے باعث سردی کی شدت میں اضافہ ہو گیا ہے۔گرم چشمہ، یارخون، چرون، بونی، مستوج، موڑ کہو اور تورکہو میں برفباری جاری ہے۔کورارغ کے مقام پر برفباری کے دوران پھسلن کے باعث پشاور سے آنے والی ہائی ایس دریائے مستوج میں گر گئی۔حادثے میں ایک شخص جاں بحق اور 10 افراد زخمی ہو گئے، جنہیں ٹی ایچ کیو اسپتال بونی میں داخل کیا گیا ہے۔
