جیلوں کے نظام میں مؤثر اور جامع اصلاحات وقت کی اہم ضرورت ہیں:سہیل آفریدی

اسلام آباد( پاکستان خبر) وزیراعلیٰ خیبرپختونخوا سہیل آفریدی نے کہا ہے کہ جیلوں کے نظام میں مؤثر اور جامع اصلاحات وقت کی اہم ضرورت ہیں، اور اس مقصد کے لیے خیبرپختونخوا حکومت عملی اقدامات کر رہی ہے۔انہوں نے جیل اصلاحات سے متعلق قومی کانفرنس سے خطاب کرتے ہوئے کہا کہ صوبے میں جیلوں کی سکیورٹی کے نظام کو بہتر بنایا گیا ہے اور قیدیوں کو علاج معالجے سمیت بنیادی سہولیات کی فراہمی یقینی بنائی جا رہی ہے۔سہیل آفریدی کے مطابق خیبرپختونخوا میں امن و امان کی صورتحال کو بہتر بنانے کے لیے بھی متعدد اقدامات جاری ہیں، تاکہ ایک محفوظ اور مستحکم ماحول قائم کیا جا سکے۔