ٹیکساس( ویب ڈیسک) امریکی ریاست ٹیکساس میں اسپیس ایکس کے اسٹار شپ راکٹ نے پہلی بار زمین کے مدار میں پہنچنے کا اہم سنگِ میل عبور کرلیا، تاہم انجن میں خرابی کے باعث 10 گھنٹے پر مشتمل مشن 3 گھنٹے بعد ہی ختم کرنا پڑا۔اسٹار شپ کی 14ویں پرواز کے دوران مدار میں پہنچنے کے بعد 26 اسٹار لنک سیٹلائٹس کامیابی سے خلا میں تعینات کیے گئے۔ یہ اسٹار شپ کا پہلا تجارتی مشن بھی قرار دیا گیا ہے۔پرواز کے دوران راکٹ کے 3 مرکزی انجنوں میں سے ایک وقت سے پہلے بند ہوگیا، جس کے بعد مشن کی کامیابی پر خدشات پیدا ہوگئے تھے۔ تاہم انجینئرز نے دیگر انجنوں کی مدد سے اسٹار شپ کو مدار تک پہنچانے میں کامیابی حاصل کرلی۔اسپیس ایکس نے رواں سال کے اختتام سے اسٹار شپ کو باقاعدہ طور پر استعمال کرنے کا منصوبہ بنا رکھا ہے۔
