ڈیلاس( سپورٹس ڈیسک) فیفا ورلڈ کپ 2026 کے پری کوارٹر فائنل مرحلے میں اسپین نے پرتگال کو 0-1 سے شکست دے کر کوارٹر فائنل میں جگہ بنا لی، جبکہ کرسٹیانو رونالڈو کا ورلڈ کپ جیتنے کا خواب ایک بار پھر ادھورا رہ گیا۔ڈیلاس کے فٹبال اسٹیڈیم میں کھیلے گئے ناک آؤٹ مقابلے میں اسپین نے پرتگال کے خلاف بہتر کھیل کا مظاہرہ کیا۔ اسپین کی ٹیم نے پرتگال کے 10 حملوں کے مقابلے میں 15 مرتبہ حریف گول پوسٹ پر حملے کیے۔میچ میں ایک جانب نوجوان کھلاڑی لمین یامال اپنی صلاحیتوں کا مظاہرہ کر رہے تھے تو دوسری جانب تجربہ کار کرسٹیانو رونالڈو پرتگال کی امیدوں کا مرکز تھے۔ لمین یامال نے کئی مواقع پر پرتگالی دفاع کو مشکلات میں ڈالا اور ساتھی کھلاڑیوں کو بہترین پاسز فراہم کیے، تاہم وہ مواقع گول میں تبدیل نہ ہو سکے۔مقابلے کا پہلا ہاف بغیر کسی گول کے برابر رہا، جبکہ دوسرے ہاف میں بھی دونوں ٹیموں نے گول کرنے کی بھرپور کوشش کی۔ تاہم اسپین کے فیصلہ کن حملے نے اسے کامیابی دلا دی اور پرتگال کا سفر ورلڈ کپ میں اختتام پذیر ہو گیا۔
