لاہور( سپورٹس ڈیسک)پاکستان سپر لیگ (پی ایس ایل) کے شائقین کے لیے خوشخبری ہے کہ اب وہ اپنی قومی زبان میں کرکٹ کے میچز کا لطف اٹھا سکیں گے۔ پی ایس ایل کے سوشل میڈیا اکاؤنٹس کے مطابق پی ایس ایل 11 کے لیے خصوصی اردو فیڈ چینل کا آغاز کر دیا گیا ہے، جہاں شائقین کو میچ کی کمنٹری اور ماہرانہ تجزیے فراہم کیے جائیں گے۔اردو کمنٹری پینل میں سابق کرکٹر سلمان بٹ، ثناء میر، شعیب ملک، طارق سعید، ایاز محمد، شاہ فیصل اور مرینہ اقبال شامل ہیں، جو شائقین کو کھیل کے دوران تفصیلی تجزیہ اور دلچسپ تبصرے فراہم کریں گے۔واضح رہے کہ پی ایس ایل 2026 کا افتتاحی میچ کل قذافی اسٹیڈیم لاہور میں دفاعی چیمپئن لاہور قلندرز اور حیدرآباد کنگزمین کے درمیان کھیلا جائے گا، اور شائقین اب اسے اردو کمنٹری کے ذریعے براہِ راست دیکھ سکیں گے۔
