کراچی (کامرس ڈیسک) سٹیٹ بینک آف پاکستان نے رواں مالی سال کی دوسری مانیٹری پالیسی جاری کردی، جس میں شرح سود 11.50 فیصد برقرار رکھنے کا فیصلہ کیا گیا ہے۔مرکزی بینک کے مطابق مانیٹری پالیسی کمیٹی نے پالیسی ریٹ میں کوئی تبدیلی نہیں کی اور اسے 11.50 فیصد کی سطح پر برقرار رکھا۔اس سے قبل گزشتہ مانیٹری پالیسی میں بھی سٹیٹ بینک نے شرح سود 11.50 فیصد پر برقرار رکھی تھی۔واضح رہے کہ معاشی ماہرین نے امکان ظاہر کیا تھا کہ مرکزی بینک شرح سود میں مزید 50 بیسز پوائنٹس تک اضافہ کرسکتا ہے۔
