کراچی( کامرس ڈیسک) اسٹیٹ بینک آف پاکستان کی مانیٹری پالیسی کمیٹی کا اہم اجلاس آج منعقد ہو رہا ہے، جس میں آئندہ ڈیڑھ ماہ کے لیے شرح سود سے متعلق فیصلہ کیا جائے گا۔اجلاس میں ملک میں مہنگائی کی صورتحال، معاشی اشاریوں اور مشرق وسطیٰ میں جاری کشیدگی کے ملکی معیشت پر ممکنہ اثرات کا تفصیلی جائزہ لیا جائے گا، جس کے بعد پالیسی ریٹ کے حوالے سے فیصلہ کیا جائے گا۔اجلاس کے اختتام پر اسٹیٹ بینک کے گورنر پریس کانفرنس کے ذریعے مانیٹری پالیسی کا اعلان کریں گے اور شرح سود سے متعلق فیصلے کی تفصیلات سے آگاہ کریں گے۔
