کراچی( کامرس ڈیسک)پاکستان اسٹاک ایکسچینج میں کاروباری ہفتے کے پہلے روز ملا جلا رجحان دیکھا جا رہا ہے، جہاں مارکیٹ میں تیزی اور کمی دونوں کیفیتیں سامنے آئیں۔کاروبار کے دوران 100 انڈیکس میں 949 پوائنٹس کی کمی ریکارڈ کی گئی، جس کے بعد انڈیکس 1 لاکھ 79 ہزار 871 پوائنٹس پر آ گیا۔ دورانِ تجارت انڈیکس کی کم ترین سطح 1 لاکھ 79 ہزار 541 جبکہ بلند ترین سطح 1 لاکھ 80 ہزار 507 پوائنٹس رہی۔گزشتہ ہفتے کے آخری کاروباری روز کے اختتام پر 100 انڈیکس 1 لاکھ 78 ہزار 922 پوائنٹس پر بند ہوا تھا۔دوسری جانب انٹر بینک میں ڈالر کی قدر میں معمولی کمی دیکھی گئی، جہاں امریکی کرنسی ایک پیسہ سستی ہو کر 278 روپے 24 پیسے پر آ گئی۔ گزشتہ روز ڈالر 278 روپے 25 پیسے پر بند ہوا تھا۔
