اسٹاک ایکسچینج میں زبردست تیزی، انڈیکس ایک لاکھ بہتر ہزار کی حد عبور کرگیا

کراچی( کامرس ڈیسک)پاکستان اسٹاک ایکسچینج میں کاروباری ہفتے کے پانچویں اور آخری روز بھی تیزی کا رجحان برقرار رہا، جس کے باعث سرمایہ کاروں میں اعتماد بڑھتا دکھائی دیا۔کاروبار کے دوران سو انڈیکس میں دو ہزار تین سو ستائیس پوائنٹس کا نمایاں اضافہ ریکارڈ کیا گیا، جس کے بعد انڈیکس ایک لاکھ بہتر ہزار دو سو انتالیس پوائنٹس کی سطح پر پہنچ گیا۔آج کے کاروبار میں انڈیکس ایک موقع پر ایک لاکھ ستر ہزار سات سو اٹھاون پوائنٹس کی نچلی سطح تک آیا، جبکہ بلند ترین سطح ایک لاکھ بہتر ہزار چار سو پوائنٹس ریکارڈ کی گئی۔واضح رہے کہ گزشتہ روز کاروبار کے اختتام پر سو انڈیکس ایک لاکھ انہتر ہزار نو سو گیارہ پوائنٹس پر بند ہوا تھا، جس کے مقابلے میں آج نمایاں بہتری دیکھنے میں آئی۔