اسلام آباد( کامرس ڈیسک) پاکستان اسٹاک ایکسچینج میں بدھ کے روز کاروبار کے ابتدائی سیشن میں مندی دیکھی گئی، جہاں کے ایس ای 100 انڈیکس 49.68 پوائنٹس گر کر 164,726.76 پوائنٹس کی سطح پر آ گیا۔سرکاری خبر رساں ادارے اے پی پی کے مطابق ابتدائی کاروباری سیشن میں مجموعی طور پر 571 کمپنیوں کے حصص کی خرید و فروخت ہوئی۔ ان میں سے 256 کمپنیوں کے حصص کی قیمتوں میں اضافہ ریکارڈ کیا گیا، جبکہ 202 کمپنیوں کے حصص سستے ہوئے اور 113 کمپنیوں کے حصص کی قیمتوں میں کوئی تبدیلی نہیں آئی۔ابتدائی سیشن کے دوران مجموعی طور پر 18 کروڑ 4 لاکھ 70 ہزار حصص کا کاروبار ہوا، جن کی مالیت 5 ارب 1 کروڑ 60 لاکھ روپے سے زائد رہی۔کاروباری سرگرمیوں میں یونٹی فوڈز کے 2 کروڑ 22 لاکھ 30 ہزار، ورلڈ کال ٹیلی کام کے 2 کروڑ 17 لاکھ 40 ہزار جبکہ پرویز احمد کنسلٹنسی سروسز لمیٹڈ کے 1 کروڑ 31 لاکھ 40 ہزار حصص کا لین دین ہوا۔
