پاکستان اسٹاک مارکیٹ میں اتار چڑھاؤ، کاروبار کے دوران منفی اور مثبت رجحان

کراچی ( کامرس ڈیسک) کاروباری ہفتے کے تیسرے روز پاکستان اسٹاک مارکیٹ میں کاروبار کے دوران شدید اتار چڑھاؤ دیکھا گیا۔کاروبار کے آغاز پر مارکیٹ میں منفی رجحان غالب رہا اور 800 سے زائد پوائنٹس کی کمی کے ساتھ ہنڈرڈ انڈیکس ایک لاکھ 69 ہزار 455 پوائنٹس کی سطح پر آگیا۔تاہم ٹریڈنگ کے دوران مارکیٹ نے تیزی سے بہتری دکھائی اور 300 سے زائد پوائنٹس کے اضافے کے ساتھ انڈیکس ایک لاکھ 70 ہزار 729 پوائنٹس کی سطح تک پہنچ گیا۔گزشتہ کاروباری روز کے اختتام پر اسٹاک مارکیٹ ایک لاکھ 70 ہزار 330 پوائنٹس کی سطح پر بند ہوئی تھی۔ماہرین کے مطابق مارکیٹ میں اس طرح کے اتار چڑھاؤ سرمایہ کاروں کے محتاط رویے اور معاشی عوامل کے اثرات کو ظاہر کرتے ہیں۔