مظفرآباد(پاکستان خبر) آزاد کشمیر میں احتجاج اور مبینہ اشتعال انگیز سرگرمیوں کے باعث عام شہریوں کی روزمرہ زندگی شدید متاثر ہو رہی ہے۔شہریوں کا کہنا ہے کہ ہڑتالوں اور دکانوں کی زبردستی بندش کے باعث سب سے زیادہ نقصان متوسط طبقے، روزانہ اجرت پر کام کرنے والے افراد اور چھوٹے تاجروں کو ہو رہا ہے۔مقامی آبادی کے مطابق کاروباری سرگرمیوں کی بندش سے نہ صرف آمدن متاثر ہو رہی ہے بلکہ روزمرہ اشیاء کی دستیابی میں بھی مشکلات پیدا ہو رہی ہیں۔شہریوں نے اپنے ردعمل میں کہا ہے کہ آزاد کشمیر کے عوام امن، استحکام اور خوشحالی چاہتے ہیں اور کسی بھی قسم کی بدامنی کے خلاف ہیں۔ انہوں نے پاکستان کے ساتھ اپنے گہرے تعلق اور وابستگی کو بھی اجاگر کیا۔ماہرین کے مطابق اس نوعیت کی صورتحال سے خطے میں معاشی سرگرمیاں متاثر ہوتی ہیں اور عام شہری براہِ راست اس کا بوجھ برداشت کرتے ہیں۔
