پاکستان اسٹاک ایکسچینج میں زبردست تیزی، انڈیکس 1 لاکھ 71 ہزار کی سطح عبور کر گیا

کراچی ( کامرس ڈیسک) کاروباری ہفتے کے آغاز پر پاکستان اسٹاک ایکسچینج میں زبردست تیزی دیکھی گئی، جہاں مارکیٹ 3611 پوائنٹس کے اضافے کے ساتھ کھلی۔ابتدائی کاروبار کے دوران کے ایس ای 100 انڈیکس بڑھ کر ایک لاکھ 71 ہزار 456 پوائنٹس کی سطح پر پہنچ گیا، جسے مارکیٹ میں غیر معمولی مثبت رجحان قرار دیا جا رہا ہے۔اسٹاک ماہرین کے مطابق حالیہ تیزی کے باعث سرمایہ کاروں کا اعتماد بحال ہوا ہے اور توقع ہے کہ دن بھر حصص کی خرید و فروخت میں سرگرمی برقرار رہے گی۔تجزیہ کاروں کا کہنا ہے کہ گزشتہ ہفتے اگرچہ مارکیٹ میں اتار چڑھاؤ دیکھا گیا تھا، تاہم مجموعی طور پر مثبت رجحان غالب رہا، جس کے نتیجے میں سرمایہ کاری کی مالیت میں اضافہ ریکارڈ کیا گیا۔