پاکستان اسٹاک ایکسچینج میں زبردست تیزی، انڈیکس ایک لاکھ ستر ہزار سے اوپر پہنچ گیا

کراچی( کامرس ڈیسک)پاکستان اسٹاک ایکسچینج میں کاروباری ہفتے کے دوسرے روز نمایاں تیزی دیکھی گئی، جس کے دوران حصص بازار میں مضبوط اضافہ ریکارڈ کیا گیا۔کاروبار کے دوران اہم بینچ مارک انڈیکس میں ایک ہزار سات سو بارہ پوائنٹس کا اضافہ ہوا، جس کے بعد انڈیکس ایک لاکھ ستر ہزار چھ سو چھیاسٹھ پوائنٹس کی سطح تک پہنچ گیا۔ دورانِ تجارت انڈیکس نے ایک لاکھ اکہتر ہزار بائیس پوائنٹس کی بلند ترین سطح بھی چھو لی۔گزشتہ روز کاروبار کے اختتام پر انڈیکس ایک لاکھ اڑسٹھ ہزار نو سو ترپن پوائنٹس پر بند ہوا تھا، جس کے مقابلے میں آج کی صورتحال میں واضح بہتری دیکھی گئی۔دوسری جانب زرمبادلہ مارکیٹ میں امریکی ڈالر کی قدر میں معمولی کمی ہوئی، انٹر بینک میں ڈالر تین پیسے سستا ہو کر دو سو اٹھہتر روپے سینتیس پیسے پر آگیا، جبکہ گزشتہ روز یہ دو سو اٹھتر روپے چالیس پیسے پر بند ہوا تھا۔