گلگت بلتستان میں پیپلز پارٹی کی کامیابی، حکومت بنانے کی کوشش کریں گے: بلاول بھٹو

 ا سلام آباد(پاکستان خبر)پاکستان پیپلز پارٹی کے چیئرمین بلاول بھٹو زرداری نے کہا ہے کہ گلگت بلتستان میں ان کی جماعت بھرپور کامیابی حاصل کر رہی ہے اور سیاسی میدان میں نمایاں پیش رفت جاری ہے۔انہوں نے اپنے بیان میں کہا کہ پاکستان پیپلز پارٹی سب سے بڑی جماعت بن کر ابھر رہی ہے اور وہ حکومت بنانے کی کوشش کریں گے۔بلاول بھٹو زرداری نے عوام کے اعتماد پر شکریہ ادا کرتے ہوئے کہا کہ وہ دل کی گہرائیوں سے عوام کے ممنون ہیں جنہوں نے ان کی جماعت پر اعتماد کا اظہار کیا۔انہوں نے پارٹی کارکنوں کو اس کامیابی پر مبارکباد دیتے ہوئے کہا کہ جیالوں نے بھرپور محنت کے ساتھ یہ سیاسی کامیابی حاصل کی ہے۔