سپریم کورٹ: آئندہ ہفتے کی کاز لسٹ جاری، پانچ بینچ مقدمات کی سماعت کریں گے

اسلام آباد (پاکستان خبر) سپریم کورٹ آف پاکستان کی جانب سے آئندہ ہفتے کی کاز لسٹ جاری کر دی گئی ہے جس کے مطابق یکم جون سے چار جون تک مختلف مقدمات کی سماعت کے لیے پانچ بینچ تشکیل دیے گئے ہیں۔جاری کردہ کاز لسٹ کے مطابق بینچ نمبر ایک میں چیف جسٹس یحییٰ آفریدی، جسٹس محمد شفیع اور جسٹس میاں گل حسن اورنگزیب شامل ہوں گے۔ بینچ نمبر دو جسٹس منیب اختر اور جسٹس جمال مندوخیل پر مشتمل ہوگا۔اسی طرح بینچ نمبر تین میں جسٹس محمد علی مظہر، جسٹس مسرت ہلالی اور جسٹس عرفان سعادت خان شامل ہیں جبکہ بینچ نمبر چار میں جسٹس ملک شہزاد اور جسٹس عقیل عباسی مقدمات کی سماعت کریں گے۔بینچ نمبر پانچ جسٹس ہاشم کاکڑ، جسٹس صلاح الدین پنہور اور جسٹس اشتیاق ابراہیم پر مشتمل ہوگا۔مزید برآں یکم سے چار جون تک روزانہ صبح گیارہ بجے کے بعد جسٹس محمد شفیع صدیقی اور جسٹس میاں گل حسن اورنگزیب پر مشتمل دو رکنی بینچ بھی مختلف مقدمات کی سماعت کرے گا۔