اسلام آباد( پاکستان خبر)سپریم کورٹ نے بانی تحریک انصاف سے فوری ملاقات کی درخواست مسترد کر دی اور سائفر کیس سمیت دیگر مقدمات میں اہم اقدامات کیے۔چیف جسٹس یحییٰ آفریدی کی سربراہی میں دو رکنی بینچ نے بانی پی ٹی آئی سے ملاقات کی درخواست مسترد کرتے ہوئے کہا کہ بغیر نوٹس کسی فریق کو حکم نہیں دیا جا سکتا۔ عدالت نے حکومت کو کل کے لیے نوٹس جاری کر دیا اور سماعت کل تک ملتوی کر دی۔سماعت کے دوران عدالت نے سائفر کیس میں بانی پی ٹی آئی اور شاہ محمود قریشی کی بریت کے خلاف اپیلوں کے لیے تین رکنی بینچ بنانے کا حکم دیا۔ اسی طرح توشہ خانہ اور القادر ٹرسٹ کیس میں ضمانت منسوخی کی درخواستیں غیر مؤثر ہونے پر خارج کر دی گئیں۔عدالت نے 9 مئی لاہور واقعات میں بھی بانی پی ٹی آئی کی ضمانت منسوخی کی درخواستوں پر تین رکنی بینچ تشکیل دیا اور ان مقدمات کی سماعت دو ہفتے کے لیے ملتوی کر دی۔
