ٹی 20 ورلڈ کپ 2026: پاکستان کے صاحبزادہ فرحان ٹیم آف دی ٹورنامنٹ میں شامل

دبئی( سپورٹس ڈیسک) آئی سی سی نے ٹی 20 ورلڈ کپ 2026 کی ٹیم آف دی ٹورنامنٹ کا اعلان کر دیا ہے، جس میں مختلف ممالک کے شاندار کارکردگی دکھانے والے کھلاڑی شامل ہیں۔پاکستان کے اوپنر صاحبزادہ فرحان بھی ٹیم میں جگہ بنانے میں کامیاب ہوئے۔ انہوں نے ایونٹ میں شاندار بیٹنگ کا مظاہرہ کیا، دو سنچریاں اسکور کیں اور مجموعی طور پر تین سو سے زائد رنز بنا کر نمایاں کارکردگی دکھائی۔ٹیم کی قیادت جنوبی افریقا کے آل راؤنڈر ایڈن مارکرم کو سونپی گئی ہے، جبکہ ان کے ہم وطن فاسٹ بولر لنگی این گیڈی بھی اسکواڈ کا حصہ ہیں۔بھارت کے وکٹ کیپر بلے باز اور ایونٹ کے بہترین کھلاڑی سنجو سیمسن کے علاوہ بھارتی کھلاڑی ایشان کشن، ہاردک پانڈیا اور فاسٹ بولر جسپرت ببمراہ کو بھی ٹیم میں شامل کیا گیا ہے۔انگلینڈ کے ول جیکس اور عادل رشید، ویسٹ انڈیز کے جیسن ہولڈر اور زمبابوے کے موذاربانی بھی ٹیم میں شامل ہیں۔ اس کے علاوہ امریکا کے کھلاڑی شیڈلے وین کو بارہویں کھلاڑی کے طور پر منتخب کیا گیا ہے۔