کابل( مانیٹرنگ ڈیسک) افغانستان کے صوبہ ننگرہار میں افغان طالبان کے ایک مقامی کمانڈر کو فائرنگ کر کے قتل کر دیا گیا، جبکہ واقعے کے شبہے میں ان کے سگے بھائی کو حراست میں لے لیا گیا ہے۔میڈیا رپورٹس کے مطابق افغانستان میں سیکیورٹی کی صورتحال ایک بار پھر توجہ کا مرکز بن گئی ہے، جہاں طالبان حکومت کو نہ صرف عوام بلکہ اپنے اہم کمانڈرز کے تحفظ کے حوالے سے بھی چیلنجز کا سامنا ہے۔افغان جریدے دی افغانستان انٹرنیشنل کی رپورٹ کے مطابق ضلع چپرحار میں جمعہ کے روز طالبان کے مقامی کمانڈر کو اس وقت نشانہ بنایا گیا جب وہ چھٹی گزارنے کے لیے اپنے گھر آئے ہوئے تھے۔طالبان حکام کے جاری کردہ اعلامیے کے مطابق مقتول کمانڈر کی شناخت مسافر کے نام سے ہوئی ہے، جبکہ قتل کے شبہے میں ان کے سگے بھائی کو گرفتار کر کے تفتیش شروع کر دی گئی ہے۔رپورٹس کے مطابق مقتول کمانڈر کو ان کے گھر میں فائرنگ کر کے قتل کیا گیا، تاہم واقعے کی وجوہات اور محرکات کے بارے میں مزید تحقیقات جاری ہیں۔
