اسلام آباد( ترکیہ خبر) قومی مذاکراتی کمیٹی نے اپنی مجوزہ قومی کانفرنس کے حوالے سے تحریک تحفظ آئین پاکستان سے رابطہ کیا اور کانفرنس میں شرکت کی دعوت دی، تاہم تحریک تحفظ آئین پاکستان نے شرکت سے انکار کر دیا ہے۔ذرائع کے مطابق تحریک تحفظ آئین پاکستان نے کہا کہ ہمیں آج دعوت نامہ موصول ہوا، لیکن ہم نے شرکت سے انکار کیا۔ بانی پی ٹی آئی عمران خان نے مذاکرات کا اختیار تحریک تحفظ آئین پاکستان کو دیا ہے، اور مذاکرات اسی پلیٹ فارم سے کیے جائیں گے۔قومی مذاکراتی کمیٹی کی کانفرنس 7 جنوری کو اسلام آباد میں منعقد ہوگی۔ اس میں مسلم لیگ ن، پیپلز پارٹی، پی ٹی آئی، جے یو آئی اور جماعت اسلامی کو شرکت کی دعوت دی جائے گی۔ علاوہ ازیں ایم کیو ایم، ق لیگ، بلوچستان عوامی پارٹی، اے این پی اور دیگر جماعتیں بھی مدعو کی جائیں گی۔
