باکو کی واحد آئل ریفائنری میں خوفناک آگ، امدادی کارروائیاں جاری

باکو ( مانیٹرنگ ڈیسک)آذربائیجان کے دارالحکومت باکو میں ملک کی واحد آئل ریفائنری میں خوفناک آگ بھڑک اٹھی ہے۔آذربائیجان کی وزارتِ ہنگامی حالات کے مطابق آگ پر قابو پانے کے لیے امدادی ٹیمیں موقع پر پہنچ چکی ہیں اور آگ بجھانے کی کارروائیاں مسلسل جاری ہیں۔یہ ریفائنری ملک کی توانائی کے شعبے میں اہم حیثیت رکھتی ہے، جو سالانہ تقریباً 65 لاکھ میٹرک ٹن خام تیل اور یومیہ تقریباً 1 لاکھ 30 ہزار بیرل تیل کو پراسیس کرنے کی صلاحیت رکھتی ہے۔حکام کے مطابق صورتحال پر قابو پانے اور نقصان کا تخمینہ لگانے کے لیے مزید اقدامات کیے جا رہے ہیں، جبکہ آگ لگنے کی وجوہات کے بارے میں تحقیقات بھی شروع کر دی گئی ہیں۔