لاہور( پاکستان خبر) میٹرو بس سروس کی ممکنہ بندش کا خدشہ ختم ہوگیا، آپریٹر کمپنی ویڈا اور پنجاب ماس ٹرانزٹ اتھارٹی کے درمیان سروس جاری رکھنے پر اتفاق ہوگیا۔ماس ٹرانزٹ اتھارٹی کے جنرل منیجر آپریشنز عزیر شاہ کے مطابق ویڈا کے مالی اور دیگر مطالبات پر سنجیدگی سے غور کیا جارہا ہے جبکہ معاملات حل کرنے کے لیے مذاکرات کا سلسلہ جاری ہے۔عزیر شاہ نے کہا کہ لاہور میٹرو بس سروس بدستور چلتی رہے گی اور ویڈا کے مطالبات پر بات چیت جاری ہے۔ ان کے مطابق کمپنی اور ماس ٹرانزٹ اتھارٹی کے درمیان آج دوبارہ مذاکرات ہوں گے، جن میں مطالبات کے حل کے حوالے سے پیش رفت متوقع ہے۔
