پشاور( پاکستان خبر) رستم کے علاقے مچھی جعفر آباد میں افسوسناک حادثے کے دوران کنویں میں گرنے سے باپ بیٹے سمیت 3 افراد جان کی بازی ہار گئے۔ریسکیو 1122 کے مطابق حادثے کی اطلاع ملنے پر ڈیزاسٹر ریسکیو اور طبی ٹیمیں فوری طور پر جائے وقوعہ پہنچیں۔ امدادی اہلکاروں نے تینوں افراد کو کنویں سے نکال کر اسپتال منتقل کیا، تاہم وہ جانبر نہ ہوسکے۔جاں بحق افراد کی شناخت 12 سالہ شاہ روم، اس کے 47 سالہ والد اعجاز اور 45 سالہ الف ذادہ کے نام سے ہوئی ہے۔ریسکیو حکام کا کہنا ہے کہ واقعے کی وجوہات جاننے کے لیے پولیس کی جانب سے تحقیقات جاری ہیں۔
