آزاد کشمیر میں تین نئی سیاسی جماعتیں رجسٹر، رجسٹرڈ جماعتوں کی تعداد 19 ہو گئی

مظفر آباد (پاکستان خبر) آزاد جموں و کشمیر الیکشن کمیشن نے تین مزید سیاسی جماعتوں کی رجسٹریشن مکمل کر لی ہے، جس کے بعد خطے میں رجسٹرڈ سیاسی جماعتوں کی مجموعی تعداد 19 ہو گئی ہے۔الیکشن کمیشن کے مطابق نئی رجسٹر ہونے والی جماعتوں میں پاکستان مسلم لیگ آزاد جموں و کشمیر، تحریک جوانان پاکستان جموں و کشمیر اور پاکستان نظریاتی پارٹی آزاد جموں و کشمیر شامل ہیں۔سیکرٹری الیکشن کمیشن نے بتایا کہ سیاسی جماعتوں کی رجسٹریشن کے لیے مقررہ آخری تاریخ 10 جون ہے، جس کے بعد مزید درخواستوں پر غور کیا جائے گا۔الیکشن کمیشن کے مطابق یہ اقدام انتخابی عمل کو منظم اور شفاف بنانے کے لیے کیا جا رہا ہے تاکہ تمام سیاسی جماعتیں قانونی فریم ورک کے تحت اپنی سرگرمیاں جاری رکھ سکیں۔