کیلیفورنیا( ویب ڈیسک)ٹک ٹاک ایک نئے فیچر پر کام کر رہا ہے جس کے ذریعے صارفین براہِ راست پیغامات کے ذریعے ایک دوسرے کو رقم بھیج سکیں گے۔ یہ سہولت ٹک ٹاک پے کے ذریعے فراہم کیے جانے کا امکان ہے۔رپورٹس کے مطابق اس فیچر سے متعلق کوڈ امریکی آئی فون صارفین کے لیے ٹک ٹاک ایپ میں دیکھا گیا ہے، جس سے رقم کے ساتھ پیغام بھیجنے کی سہولت کا بھی عندیہ ملتا ہے۔کمپنی کا کہنا ہے کہ فی الحال اس فیچر کی آزمائش نہیں ہورہی، اس لیے اس کے اجرا کی تاریخ اور ممالک کے بارے میں کچھ کہنا قبل از وقت ہے۔ٹک ٹاک پہلے ہی خریداری، سرچ، ہوٹل بکنگ، گیمز اور دیگر شعبوں میں خدمات متعارف کرا رہا ہے اور مالیاتی خدمات کے ذریعے اپنے دائرہ کار کو مزید وسعت دینے کی کوشش میں ہے۔
