نیو یارک( مانیٹرنگ ڈیسک)امریکی شہر نیویارک میں واقع میڈیسن اسکوائر گارڈن میں کنسرٹ کے دوران پیش آنے والے ایک افسوسناک واقعے میں 51 سالہ شخص جان کی بازی ہار گیا۔نیویارک پولیس کے مطابق ایمرجنسی کال پر پہنچنے والے اہلکاروں کو ایک شخص بے ہوش حالت میں ملا، جسے ابتدائی طور پر بلند مقام سے گرنے کے باعث شدید چوٹوں کا سامنا تھا۔متاثرہ شخص کو فوری طور پر اسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گیا۔واقعے کے وقت امریکی راک بینڈ اپنی پرفارمنس دے رہا تھا۔ بعد ازاں بینڈ کی جانب سے سوشل میڈیا پر واقعے پر گہرے دکھ اور افسوس کا اظہار کیا گیا۔پولیس کا کہنا ہے کہ واقعے کی وجوہات اور یہ کہ متاثرہ شخص کتنی بلندی سے گرا، اس حوالے سے تحقیقات جاری ہیں۔
