لاہور( پاکستان خبر) بلوچستان میں 27 مارچ (جمعہ) کو ٹرین سروس مکمل طور پر معطل رہے گی۔ پاکستان ریلویز حکام کی جانب سے جاری اعلامیے میں بتایا گیا ہے کہ یہ فیصلہ فنی وجوہات اور ٹریک کی مرمت کے پیش نظر کیا گیا ہے۔اعلامیے کے مطابق کوئٹہ سے پشاور جانے والی جعفر ایکسپریس 27 مارچ کو روانہ نہیں ہوگی، جبکہ پشاور سے کوئٹہ آنے والی جعفر ایکسپریس کو جیکب آباد کے مقام سے واپس کردیا جائے گا۔ریلوے انتظامیہ نے مزید بتایا کہ کوئٹہ سے کراچی جانے والی بولان میل اور چمن کے لیے چلنے والی چمن پسنجر ٹرین پہلے ہی مختلف وجوہات کی بنا پر معطل ہیں۔مسافروں سے اپیل کی گئی ہے کہ وہ اپنی سفری منصوبہ بندی میں اس تعطل کو مدنظر رکھیں اور متبادل انتظامات کریں۔
